carauctionge.blogspot.com

ტერმინალი ქართულად

2010-07-23T13:11:00.002+05:00

ყველაფერი კამათით დაიწყო. მარჯვენა თუ მარცხენა საჭე? – ავტომობილის შერჩევის ქართული პრიორიტეტები, თავისი პლიუსებით და მინუსებით. თუმცა მოდით შევეშვათ „მარადიულს“

ოჯახში ორი ავტომობილი გვყავს, ჩემი ლურჯა (Wolksvagen Vento GLI, გამოშ. წელი 1998 წ)

და ჩემი მეუღის მამის, ანუ სიმამრის (ჟიგულის მე 6 მოდლი გამოშ. წელი 1988 წ), მინდა ავღნიშნო, რომ ჩემი ლურჯასგან განსხვავებით, „06“–ს მეტად გაუმართლა მფლობელში. ის ისევე გამოიყურება და ფუნქციონირებს, როგორც 22 წლის წინ, როცა პირველად შემოდგა საბურავი ჩვენს ოჯახში. მიუხედავად ამისა ბატონ თემურს ბუნებრივიცაა, მობეზრდა 06 ით მოძრაობა.

მოკლედ სიტყვა რომ არ გამიგრძელდეს 2–3 თვის კამათის შემდეგ დავითანხმე, შეერჩია ხარისხიანი იაპონური მოდელი მისთვის მისაღები ბიუჯეტის ფარგლებში და ასევე ჩემივე რეკომენდაციით გეზი ავიღეთ უკვე საკმაოდ სოლიდური რეპუტაციის მქონე მცირელიტრაჟიან HONDA FIT ზე.

დიდხანს არ მიფიქრია რა გზით უნდა გაგვეხორციელებინა სასურველი ავტოს შეძენა. მეოროე დღესვე ALTO MOTOR-ის მენეჯერს დავუკავშირდი. გავიარე კონსულტაცია ავტო აუქციონზე ფსონების დადებაზე და იქვე შერჩეულ 3 ლოტზე დავდე ფსონი. ველაზე ნაკლები შანსი მქონდა 1.5 მოცულობის მოდიფიკაციაზე რადგან სტატისტიკურად უფრო ძვირადღირებულია ვიდრე ამ მოდელის ძირითადი წარმომადგენელი 1.3 მოცულობის ძრავით.

გათენდა მომდევნო დღეც და გაისმა ზარი ჩემს მობილურზე, მენეჯერმა მაუწყა საკვირველი ფაქტი, ჩემმა დადებულმა ფსონმა 1.5 მოცულობის ძრავით FIT ზე იმარჯვა. გაბადრული სახით მივაჭერი ოფისში, რათა რაც შეიძლებოდა სწრაფად დამეწყო ავტომობილის მიღების პროცესი.

ყველა საჭირო ფინანსური ოპერაციების შემდეგ დაიწყო ლოდინის ფაზა რომელიც 56 დღეში დასრულდა. და აი მე ახლა ვზივარ თბილისი–ბათუმის ღამის მატარებელში და კიდევ ერთხელ გავდივარ ფოთის საკონტეინერო ტერმინალისკენ მიმავალ გზას.

მატარებელი დილის 6 საათზე უკვე ურეკის სადგურშია. კონტეინერის გახსნამდე უკვე ყველაზე გრძელი 4 საათი მაშორებს. ფოთში გამგზავრება დროებით გადავდე თუმცა ტაქსის მძღოლები ბუზებივით მეხვევიან თავს და მთავაზობენ ფოთში წაყვანას.

ამ დროს ურეკში მხოლოდ ერთი კაფე მეგულება, (კაფე „ბათუმი“) რომელიც ტრადიციულად მასპინძლობს მანქანის ჩამოსაყვანად მიმავალ ჩემს თანამოქალაქეებს.

აქვე გადავწყვიტე წახემსება და კეთილგანწყობილ კაფეს დიასახლისს საუზმე შევუკვეთე.

დილის 8 საათია, სამარშრუტო ტაქსი ურეკიდან ფოთის მიმართულებით დღის პირველ რეისს ასრულებს. 15 წუთში მე უკვე ქალაქ ფოთის ცენტრში ვიმყოფები სადაც უამრავ ტაქსის მძღოლს მოუყრია თავი. ერთ–ერთი მათგანი თავად გამოენთო და შემომთავაზა საბაჟომდე გადაყვანა მოკრა რა თვალი ჩემი ჩანთიდან ამოწვერილ საგანგებოდ შეფუთულ სატრანზიტო ნომრებს. 3 ლარის საფასურად 5 წუთში მე უკვე საბაჟო ტერმინალთან ვიდექი სადაც გამომეცნაურენ ჩემი „თანამეკონტეინერნი“, გამოვარკვიეთ რომ ჩვენი კუთვნილი მანქანები ერთ კონტეინერშია თავმოყრილი. დიდხანს ლოდინი არ დაგვჭირვებია, მალევე ტერმინაში გაჩნდა ბატონი ტატო (Georgian Cargo Group-ის წარმომადგენელი ქალაქ ფოთში) რომელმაც ოპერატიულად გადმოგვცა უკვე გამზადებული განწესები დაგვაკვალიანა როგორ აგვეღო შესაბამის ჯიხურში საბაჟოს ოპერატორისგან ეგრეთწოდებული „ვე–ტე–ტე“ ანუ საბუთები, რომლის მიხედვითაც ხდება ავტომობილის მიღება ტერმინალზე და შემგომ მისი განბაჟება.

მთელი ამ მოკლე პროცედურის შემდეგ ყველამ ერთად გადავინაცვლეთ უშუალოდ საკონტეინერო ტერმინალის ტერიტორიაზე, ჩემი გული ამ დროს გაორმაგებულად ძგერს განსხვავებით ჩემი რამოდენიმე თანამგზავრისა, რომლებიც დილერები აღმოჩნდნენ და მოგეხსენებათ მათთვის ეს ჩვეული, მუშა პროცესია.

მთელი ამ ხნის განმავლობაში ფოთის ცა წვიმის ღრუბლებით ივსება. ერთი სული გვაქვს სწრაფად მივიღოთ ჩვენი ავტომობილები რათა წვიმას გავსწროთ. დაიწყო კონტეინერების ლუქის მოჭრის და გახსნის პროცესი ამავე დროს ერთი თვის პაუზის შემდეგ ცამ მოაღო პირი და დაუშვა ტრადიციული ფოთური თავსხმა. ტერმინალის მუშები შეესიენ მანქანებს და დაიწყეს სათითაოდ „იაპონური რკინის კატების“ გამოგორება. კონტეინერის ბოლოში რიგით მე 3-ე, ჩემი ნანინანატრი FIT ის უკანა სანათები დავლანდე. ბევრი წვალების შემდეგ რადგან კონტეინერში რიგით მე 2 NISSAN X-TRAIL-ს წინა საბურავები მოხსნილი აღმოაჩნდა, ჩემი ავტოს გამოგორების ჯერიც დადგა. საბედნიეროდ ავტომობილებს აკუმულატორები ჩახსნილი ჰქონდათ, რის გამოც შეინარჩუნეს დასაქოქად საჭირო ენერგია ასევე ცოტაოდენი საწვავიც აღმოჩნდა ბაკში და ჩვენი ვერცხლისფერი საოცრება მუშამ თავისი სვლით გამოაგორა კონტეინერიდან.

წვიმა ტემპს ერთი წუთითაც არ აგდებს ისე გვასველებს თავით ფეხამდე. ორმოციოდე მეტრში იქვე კონტეინერებში მოწყობილია საბურავების დასაბერი სამსახური და აქვე გთავაზობენ მცირეოდენი გასამრჯელოს სანაცვლოდ ტრანზიტული ნომრების ხარისხიანად დამაგრებას. მოკლედ მთელი ამ პროცესის გავლის შემდეგ მე უკვე საბურავებზე მყარად წამომდგარ FIT ში ვზივარ ბოლომდე სველი მაგრამ უსაზგვროდ ბედნიერი და მივემართები ტერმინალის გასასვლელისკენ. ვაბარებ შემოსვლისას მიღებულ საშვს და ვიღებ გეზს თბილისისკენ.

13:02 საათი

ვიცი რომ იაპონიიდან გამოყოლილი საწვავი თუნდაც სულ მცირეოდე, ბენზოგასამართ სადგურამდე მიმიყვანს. ვტოვებ ლარნაკას ქუჩას, ვუხვევ მარჯვნივ და უკვე თბილისის მიმართულებით მომავალ გზაზე სულ ასიოდე მეტრში პირველი ხიდის გადაკვეთის თანავე კომპანია EKO-ს EKO REGULAR 92 საწვავით ვავსებ პირამდე FIT ის ავზს.

თითქმის სურამის ჩათვლით მთელი გზა გადაუღებლივ წვიმს. დაღლილი ვარ ვგრძნობ და თვალებიც მეხუჭება. გადავწყვიტე გზაზე პატარა შეჩერებების გაკეთება რათა რამოდენიმე წუთით თვალს მოვატყუო საჭესთან რომ არ ჩამომეძინოს.

მთელი ამ ხნის განმავლობაში FIT ი აგრძელებს ჩემს გაკვირვებას თავისი ფარული შესაძლებლობებით რისი აღწერითაც თავს არ შეგაწყენთ. ავღნიშნავ მხოლოდ რომ პირამდე ავსებული საწვავი ავტომობილის ავზი თბილისამდე ნახევარიც ვერ დავხარჯე. საწვავის ინდიკაციის ისარი პანელზე ადგილიდან მხოლოდ 90 კილომეტრის გავლის შემდეგ დაიძრა. FIT არაჩვეულებრივად მანევრირებით აღმოჩნდა, მოსახვევში მინიმალური გადახრით, ადვილად უმკლავდება ნებისმიერი სირთულის აღმართებს და ყველანაირად მორგებულია კომფორტული მგზავრობისთვის.

17:39 საათი

მე უკვე თბილისში საკუთარ ეზოში ვარ. მთელი ოჯახი და რაც მთავარია ბატონი თემური აღფრთოვანებულნი არიან შენაძენით. გაკვირვებას იწვევს გარდა FIT ის საფირმო გამორჩეული ტევადობის ფუნქიონალურობისა, იაპონიის ავტო აუქციონიდან შეძენილი ავტომობილისთვის დამახასიათებელი, მცირე გარბენი და მისი კონდიცია.

Bzz

23.06.2010

Mitsubishi Pajero - მონადირის ახდენილი ოცნება

2010-07-22T17:51:00.002+05:00

როგორც იქნა!!!! პაჯერო, მაღალი გამავლობის მანქანა, უკვე ჩემია... მაგრამ ყველაფერი ასე დაიწყო.

გადავწყვიტე შემეძინა მანქანა რომელიც ჩემი ჰობის უკეთ განხორციელებაში დამეხმარებოდა. ნადირობა, თევზაობა, უბრალოდ მთაში სიარული ჩემი სუსტი მხარეა. აქედან გამომდინარე შესაბამისი მაღალი გამავლობის და ამავე დროს შედარებით ეკონომიური მანქანა ჩემთვის რომ იტყვიან მისწრებაა. თავიდანვე გადაწყვეტილი მქონდა შემეძინა Mitsubishi Pajero, და უსათუოდ იაპონიაში, თუმცა როგორც აღმოვაჩინე ეს არც თუ ისე მარტივი საქმე იყო ვინაიდან ბაზარზე ძალზე ბევრია ისეთი ადამიანი და კომპანიები რომლებსაც კარგად გამოსდით იმედების გაცრუება.

ჩემი მეგობარი დამეხმარა მომეძია ადამიანები რომლებსაც ამ საქმეში სოლიდური გამოცდილება აქვთ. იმავე დღეს მივედი ”ალტო მოტორსის” ოფისში. შთაბეჭდილება მოახდინა ძალზე მეგობრულმა და გულითადმა დამოკიდებულებამ, მოზომილმა და რეალურმა დიალოგმა დამარწმუნა რომ სწორ მისამართზე ვიყავი მოსული. სულ რაღაც 15-20 წუთი დამჭირდა იმისთვის რომ გამეგო რა იყო ჩემგან საჭირო მანქანის შეძენისათვის: საიტზე რეგისტრაციის გავლა და დეპოზიტი კომპანიის ანგარიშზე. მეორე საღამოს ავარჩიე მანქანა და გავაკეთე პირველი ფსონი, მანამდე კი თავად გამოვთვალე იაპონიაში ავტომობილის ღირებულება, ასევე ტრანსპორტირების და განბაჟების ხარჯები, ამაში კი საიტზე განთავსებული ავტოკალკულატორი დამეხმარა. ოპტიმალური ფსონის გაკეთება ძალიან გამიადვილა გაყიდვების სტატისტიკის დეტალურმა შესწავლამ, რომელიც ასევე საიტზეა განთავსებული. ამ სერვისის საშუალებით ნებისმიერს შეუძლია საკუთარი ბიუჯეტის მიხედვით შეარჩიოს მანქანის მოდელი და განსაზღვროს საშუალო საბაზრო ფასი, ხოლო ამ ინფორმაციის საფუძველზე უკვე აღრაა ძნელი კონკურენტუნარიანი ფსონის (შეთავაზების) ჩამოყალიბება .

ბევრი რომ არ გავაგრძელო, მეორე დღეს ფირმის წარმომადგენელმა დამირეკა და მომილოცა, მანქანა შევიძინეთო! ასე ოპერატიულად, ცოტა არ იყოს არ ველოდი და თავიდან დავიბენი კიდეც, მითუმეტეს როდესაც მითხრეს რომ მანქანა ჩემს მიერ გაკეთებულ ფსონზე იაფად შეგვიძენია. დამეთანხმებით ძალზედ სასიამოვნო სიურპრიზია.

მოკლედ აი ჩემი რკინის რაშის მონაცემები: Mitsubishi Pajero 2,4 ლ. ბენზინის ძრავი, გამოშვების წელი 1996, გარბენი 96000(დამეთანხმებით სასაცილო გარბენია 14 წლის მანქანისთვის), სააუქციონო შეფასება 4B, ფასი ყველა ხარჯის ჩათვლით 5155 $

ძალიან კმაყოფილი ვარ, მომსახურების ოპერატიულობა, მაღალი პროფესიონალიზმი და რაც მთავარია რეალური და გულწრფელი დამოკიდებულება საქმისა და კლიენტებისადმი, ეს ის თვისებებია რის გამოც მადლობა მინდა გადავუხადო ”ალტო მოტორს”-ის გუნდს. მინდა ასევე ვუსურვო წარმატება, წინსვლა და უფრო და უფრო განვითარება. მართლაც მაგრები ხართ!!! საუკეთესო კომანიაა.

პატივისცემით და კეთილი სურვილებით ზურა მაჩაბლიშვილი.

თბილისი 22.07.2010

ვიდეო-პრეზენტაცია რუსულ ენაზე

2010-05-25T03:10:00.001+05:00

ონლაინ-სისტემა www.carauction.ge სულ უფრო პოპულარული ხდება ჩვენი უახლოესი მეზობელი ქვეყნების ინტერნეტ სივრცეში. ამასთან დაკავშირებით გადავწყვიტეთ გადაგვეღო ვიდეო-პრეზენტაცია რომელიც რამოდენიმე წუთში წარმოდგენას შეუქმნის მომხმარებელს საიტის გამოყენების ძირითად პრინციპებზე. რამდენად კარგად გამოგვივიდა ეს თავად განსაჯოს მკითხველმა.

ტოკიოდან ქუთაისში მიმავალო HRV !

2010-05-11T20:08:00.009+05:00

იაპონური ავტომობილის ყიდვა გადავწყვიტე და დავიწყე განცხადებების მოძიება ინტერნეტით. დამეთანხმებით ბევრი მიმზიდველი შემოთავაზებაა სხვადასხვა საიტებზე. მეც ერთერთ შემოთავაზებაზე გავაკეთე არჩევანი. (კომპანიებს შეგნებულად არ ვასახელებ) დავუკავშირდი საკონტაქტო პირს, დავაზუსტე კოორდინატები და ფინანსური დეტალები. აღფრთოვანებული დავრჩი რადგან ჩემთვის სასურველი ავტომობილი საბაზრო (6000$) ფასთან შედარებით ძალიან იაფი (4500$) გამოდიოდა.

2 საათში ოფისში ვიყავი და ხელშეკრულებაც გავაფორმე. მეორე დღეს როდესაც უნდა გამართულიყო აუქციონი,დამირეკეს ოფისიდან და «გამახარეს» -ამ ფასად შეიძლება ეს ავტო ვერ ვიყიდოთ და ხომ არ დაამატებ თანხასო? მე ხომ თავიდანვე ბაზრის ფასი მქონდა გათვალისწინებული,ჰოდა დავამატე ჩემი ბიუჯეტის ბოლო ცენტები. დილით მე თვითონ დავრეკე ოფისში და მოვიკითხე აუქციონის შედეგი. ისევ «გამახარეს» - ამ ფასადაც ვერ მოვიგეთო. არადა განცხადებაში გაცილებით ნაკლებ ფასად სთავაზობდნენ მყიდველს. გულგატეხილი მივედი ოფისში, ხელშეკრულება გავაუქმე და პირგასამტეხლოც უკან წამოვიღე.

დავიწყე სხვა განცხადებებისა და კომპანიების ძიება, ამჯერად არჩევანი მაღალ ფასზე გავაკეთე ვიფიქრე ფასიც სერიოზულია და კომპანიაც სერიოზული იქნებათქო. დავიწყე ფინანსური დეტალების დაზუსტება და აქაც იმედგაცრუება, რაღაც გაურკვეველი თანხები და ტარიფები...

შემდეგ კერძო პირებზე შევჩერდი მაგრამ წინა კომპანიებთან ურთიერთობით იმდენად გავერკვიე იაპონური აუქციონის დეტალებში რომ ვერცერთმა კერძო პირმა ვერ მომცა ჩემი პირობების დამაკმაყოფილებელი გარანტიები.

და აი ერთერთი განცხადების დათვალიერების დროს ვნახე კომპანია ალტო მოტორსის რეკლამა. ნახვისთანავე ჩავთვალე რომ ესეც მორიგი არასანდო კომპანიაა მაგრამ ყოველი შემთხვევისათვის მაინც გადავხედე კომპანიის პირობებს. გაოცებული დავრჩი რადგან ყველა დეტალი და ნიუანსი დაკონკრეტებული და დასაბუთებული ჰქონდათ, თან ყველაზე მეტი საინტერესო ის იყო რომ

მე თვითონ შემეძლო ავტომობილის შერჩევა, შეფასება, და ფსონის დადება რასაც აადვილებდა სტატისტიკის სერვისი და ვებ-საიტსი განთავსებული ავტო-კალკულატორი, რომელშიც ყველაფერი დეტალებში იყო გაწერილი.

სანამ მე ვყოყმანობდი ჩემი ოჯახის წევრმა დამასწრო და ”ალტო მოტორს”-ში ძალიან კარგ ფასად 2000 წლის TOYOTA IPSUMI შეიძინა. მე დაველოდე ავტომობილის ჩამოყვანას. ჩამოვიდა და ნანახმა მოლოდინს გადააჭარბა. მანქანა იდეალურ მდგომარეობაში იყო. ეხლაკი ლოდინის დრო აღარიყო , ჩავრიცხე დეპოზიტი ”ალტო მოტორსი”-ს ანგარიშზე და დავიწყე ფსონების დადება აუქციონებზე. ერთ მშვენიერ დღეს დამირეკა ალტო მოტორსის მენეჯერმა და მომილოცა აუქციონის მოგება.

მეორე დღესვე გადავრიცხე თანხა იაპონიაში და ამ დღიდან 67 დღეში ფოთში ველოდებოდი კონტეინერის გახსნას სადაც ჩემი კუთვნილი 2001 წლიანი HONDA HR-V vtec მელოდებოდა.

კონტეინერის გახსნისა და მანქანის კარის გაღებისთანავე სიხარული გამიორმაგდა რადგან მანქანისთვის 4 ახალი ზამთრის საბურავი თავისი ალუმინის დისკებით გამოეყოლებინა იაპონელ მფლობელს.

მანქანა მალე განვაბაჟე და ალტომოტორსის კალკულატორი აქაც მართალი აღმოჩნდა, თუ არ ჩავთვლით იმ 250 ლარს რომელიც ლამაზ ნომერში გადავიხადე.

ვინც კარგად იცის HONDA დამეთანხმება რომ 2001 წლიანი, ვიტეკის ძრავით, 95000კმ. გარბენით, 4 ქულიანი შეფასებით, განბაჟებით 5200$ ნამდვილად არაა ძვირი.

კომპანია ალტო მოტორსი ნამდვილად საუკეთესო კომპანიაა თავისი სიმართლითა და მომსახურეობის ხარისხით, დაუზარელი და დაუღლელი მენეჯერებით.

გულითად მადლობას ვუხდი მათ რომ დამეხმარენენ და საბაზრო ფასებთან შედარებით გაცილებით იაფად შევიძინე ჩემთვის სასურველი ავტომობილი.

მირზა ლექვინაძე

ქუთაისი

”ოქროს კვირეული” ანუ საგაზაფხულო არდადეგები იაპონიაში

2010-05-02T18:19:00.000+05:00

იაპონელები ცნობილი არიან თავისი განსაკუთრებული შრომისმოყვარეობით და დიდი პასუხისმგებლობის გრძნობით, მაგრამ უნდა აღინიშნოს რომ ისინი ასევე დიდი ყურადღებით ექცევიან ეროვნულ დღესასწაულებს. ”ოქროს კვირეულს” შეადგენს რამოდენიმე სახელმწიფო დღესასწაული რომლებიც აპრილის ბოლოსა და მაისის დასაწყისში იმართება.

29 აპრილი:

იმპერატორის დაბადების დღე (აღინიშნებოდა 1988წლამდე)

”მწვანე დღე” (აღინიშნებოდა 1989 წლიდან 2006 წლამდე)

”შოვას დღე” Shōwa Day (აღინიშნება 2007 წლიდან დღემდე)

3 მაისი:

იაპონიის კონსტიტუციის დღე

4 მაისი:

არდადეგები (აღინიშნებოდა 1985წლიდან 2006წლამდე)

”მწვანე დღე” (2007 წლიდან ეს დღესასწაული გადმოიტანეს 4 მაისს)

5 მაისი:

”ბავშვთა დღე” (იგივე ”ბიჭის დღე”)

”ოქროს კვირეული” ერთერთი ყველაზე სასიამოვნო პერიოდია იაპონელებისთვის, ამ კვირას კომპანიების უმეტესობა ასვენებს თავის თანამშრომლებს. ხალხს საშუალება ეძლევა მოინახულონ შორს მცხოვრები ნათესავები და მეგობრები, წავიდნენ დასასვენებლად უცხოეთში.

ბუნებრივია რომ ამ პერიოდში არ მუშაობს ავტო-აუქციონები, მაგრამ ჩვენი კომპანია განაგრძობს მუშაობას ჩვეული რეჟიმით.

ვეძებდი როგორც Mercedes-ს და შევხვდი როგორც Nissan-ს

2010-04-09T14:20:00.009+05:00

ორი თვე ვიარე ავტო-ბაზრობაზე, ვეძებდი myauto.ge-ზე დa mobile.de -ზე მინდოდა Mercedes E-class wagon 1996-1998 წლების, მიყვარს ასეთი მანქანები, თან საქმეშიც მჭირდება. ბიუჯეტი მქონდა 7000 $. ამ ფასში საქართველოში კარგი და მოსაწონი ვერაფერი ვნახე, გერმანიიდან შეიძლებოდა ჩამოყვანა, მაგრამ მაშინ დიდ გარბენს უნდა შევგუებოდი ეს კი ძალიან არ მინდოდა .

შემთხვევით ინტერნეტში აღმივაჩინე ინტერნეტ აუქცონი www.carauction.ge . თავიდან სიტყვამ ”აუქციონი” ცოტა დამაფრთხო მაგრამ გადავწყვიტე მაინც ბოლომდე გავცნობოდი საიტს და დავრეგისტრირდი. საიტზე ყველაფერი ზედმიწევნით დეტალურად არის ახსნილი და გაშიფრული, ასე რომ ზედმეტი კითხვაც არ გამჩენია. სიურპრიზი იყო ის რომ თურმე კომპანიის ოფისი ჩემს მეზობლად მდებარეობს , მაგრამ მიუხედავად ამისა ყველაფერი ისეა ორგანიზებული რომ ოფისში მისვლა საერთოდ არ დამჭირებია თუ არ ჩავთვლით იმ ერთადერთ ვიზიტს რომელიც უბრალო ცნობისმოყვარეობას და ტერიტორიულ სიახლოვეს შეიძლება დავაბრალოთ.

ფსონების დადებას მეორე დღესვე შევუდექი, თავიდან მერსედესებს ვუმიზნებდი მაგრამ სამ დღეში თვალი დავადგი Nissan Primera Wagon-ს. ეს მოდელი კომპლექციით E კლასისი უნივერსალ მერსედესს წააგავს. სტატისტიკის შესწავლის შემდეგ დავადგინე რომ იმ ბიუჯეტში რომელიც მე მქონდა განსაზღვრული 2002 წლის მოდელსაც კი შევწვდებოდი. ფირმის თანამშრომლებმა დეტალურად გამიშიფრეს აუქციონის ფურცელი (ეს არის იაპონური ექსპერტიზის დასკვნა) და გამიწიეს რეკომენდაცია. საღამოს 6 საათზე გავაკეთე სტატისტიკური მონაცემებით საშუალოზე ოდნავ მაღალი ფსონი და შევუდექი ლოდინს. იმ ღამით ცუდად მეძინა რადგან კარგად არ ვიცნობდი ამ მანქანას, იგი მხოლოდ ვიზუალურად მომწონდა, ისიც სურათზე მქონდა ნანახი და არა რეალობაში . თან ვშიშობდი, რამე შარში არ გავხვეულიყავი. მეორე დილით ჩვეულებრივი სამუშაო დღე იყო და მანქანა საერთოდ არ გამხსენებია ისე ვიყავი დაკავებული საქმეებით, 12 საათზე მობილურმა დამირეკა და ”ალტო მოტორსის” მენეჯერმა თავაზიანად მომილოცა Nissan Primera -ს შეძენა და თან დასძინა რომ მანქანა ჩემს ფსონთან შედარებით მნიშვნელოვნად ნაკლებად იქნა შეძენილი .

65 დღეში უკვე ფოთში ვიჯექი ჩემს მანქანაში რომელმაც ყოველგვარ მოლოდინს გადააჭარბა:

გარედან - არცერთი ნაკაწრი (ჟანდზე ხომ ლაპარაკი ზრდმეტია), თითქმის ახალი საბურავები.

შიგნიდან - ახალი სალონი, ყველაფერი ისე სუფთაა ხელუხლებელი გეგონება.

ძრავი - ბზინავს.

აგერ უკვე სამი თვეა დავდივარ ამ საოცრად კომფორტული და პრაქტიკული მანქანით რომელიც სულ 5 500$ დამიჯდა განბაჟების ჩათვლით, ვფიქრობ 2002 წლიანი მანქანისთვის რომლის გარბენი 90 000 კმ-ია მშვენიერი ფასია , მით უმეტეს რომ დავზოგე 1500$.

დიდი მადლობა ”ალტო მოტორს”-ის გუნდს ასეთი მშვენიერი სერვისისათვის.

მამუკა გიგოლაშვილი.

მოგენატრებათ ფენოვანიიიიიიიი!!!!

2010-04-07T19:23:00.005+05:00

დიდი ხანი არაა, რაც დიღმიდან ე.წ. ”ავტო ბაზრობა” გადაიტანეს რუსთავთან. დარწმუნებული ვარ ყველას ახსოვს თუ რა ხდებოდა დიღომში - აურზაური, მტვერი, ხშირად აღმა-დაღმა უშედეგო სიარული, იმედგაცრუება. კიდევ ბევრი რამის ჩამოთვლა შეიძლება თუმცა შორს წაგვიყვანს. ახლა ეს ”ბაზრობა” რუსთავთანა გადაიტანეს, თბილისიდან მართლა მოშორებით არის, მაგრამ უფრო მოწესრიგებულია. თუმცა თუ კარგი მანქანის პოვნა გინდა, სიარული და ქანცის გაწყვეტამდე დაღლა არც იქ მოგაკლდება. რუსთავის ”ავტო ბაზრობა” ცივილიზებულად საქმის კეთებისკენ წინ გადადგმული ნაბიჯია, მაგრამ არსებობს სხვა გზებიც. ჩემი აზრით, ერთ-ერთი და ყველაზე კომფორტული გზა, მანქანის ინტერნეტით შეზენაა.

არასოდეს დამითვლია რამდენი, კომპანია სთავაზობს მომხმარებელს საქართველოში ან მის ფარგლებს გარეთ მანქანის ინტერნეტით შეზენის სერვისს, მაგრამ ალტო-მოტორსი და მისი ონლაინ სისტემა www.carauction.ge ჩემთვის ყველაზე მოსახერხებელი და სარფიანი აღმოჩნდა.

საქართველოში ბევრი რამის დეფიციტია, მათ შორის კარგი მომსახურებისაც. ჩემთვის, როგორც მანქანის რიგითი მაძიებლისთვის, როგორც მომხმარებლისათვის, ”კარგი სერვისი” რამდენიმე კომპონენტის ერთობლიობაა :

ინფორმირებულობა - დაწვრილებით ვიცი, როგორ უნდა ვისარგებლო შემოთავაზებული მომსახურებით;
გამჭვირვალობა - ვიცი ჩემი ფული რაში და რამდენი მეხარჯება;
ყურადღება და ინდივიდუალური მიდგომა - ყველა ჩემს მიერ დასმულ კითხვას, პრობლემასა და მოთხოვნას გულდასმით სწავლობენ და პასუხს დროულად მატყობინებენ; როდესაც კომპნიას მივმართავ, მაქვს განცდა რომ თითოეული თანამშრომელი მხოლოდ ჩემს საკითხზე მუშაობს და ჩემთვის სასარგებლო შედეგიც არ აყოვნებს.

ამ და კიდევ ბევრ სხვა სიკეთეს აუცილებლად იპოვნი ალტო-მოტორსში და მათ ვებ-გვერდზე www.carauction.ge.

რა არის www.carauction.ge?

ასჯერ გაგონილს, ერთხელ ნანახი სჯობს! ასე ერთხელ შევედი ამ ვებ-გვერდზე და ახლა დავდივარ ზუსტად იმ მანქანით, რომელსაც ვეძებდი. მანქანა კი ვიპოვე და შევიძინე ყოველგვარი აურზაურის, მტვრის, აღმა-დაღმა სიარულის, ყოველ წუთას ყურში ჩაძახებული ”ფენოვანიიიი...”-სა და იმედგაცრუების გარეშე. არც არავინ მანსწავლიდა ჭკუას მანქანების ავკარგიანობის შესახებ (ვისაც გამოუცდია ბაზრობა, გაახსენდება, როგორ ცდილობენ ხშირად იმ მანქანის შემოსაღებას, რომელსაც არასოდეს იყიდდი). მანქანის შესარჩევად (მარკა, მოდელი, ფასი, კონფიგურაცია, ფერი, გარბენი, წლოვანება და არც კი გაინტერესებს ყველაფერი ) თუ საკუთარი გამოცდილება და ცოდნა არ გეყოფა, და არც ვებ-გვერდზე განთავსებული კატალოგი ამოწურავს შენს ცნობისმოყვარეობას, ყოველთვის შეგიძლია დაუკავშირდე მენეჯერს (რომელსაც რატომღაც არასოდეს სძინავს :) ) და დეტალურად გაერკვე შენს არჩევანში. მე მომეწონა, რომ არავინ არაფრის შემოსაღებას არ ცდილობდა და შესაბამისად დროც უქმად აღარ დამიკარგავს. არჩევანი გავაკეთე ინფორმირებული, გააზრებული და ჩემი მანქანაც ზუსტად დათქმულ დროში ”ჩამახუტეს” :) მოკლედ, ასჯერ გაგონილს, ერთხელ ნანახი სჯობს! www.carauction.ge

ლაშა ჯუღელი

www.carauction.ge აზერბაიჯანშიც პოპულარულია!

2010-03-22T17:50:00.004+04:00

მოგეხსენებათ რომ იაპონურ ავტო-აუქციონზე ავტომობილის შერჩევას, შეძენას და ჩამოტანას დაახლოებით 2 თვე სჭირდება. ეს დრო სავსებით საკმარისია იმისათვის რომ ხშირად კლიენტებტან ჩევნი ურთიერთობა მეგობრობაში გადაიზარდოს. აი ერთერთი დამეგობრებული კლიენტის გამოხმაურება.

Здравствуйте Александр.
Доехал с ветерком. Машину супруга оценила. Друзьям так же очень понравилась.
Хотелось бы написать небольшой отзыв о вашем сервисе.
Несколько месяцев назад мы решили приобрести небольшой джип для супруги.
Я поездил по салонам продаж и цены показались мне "кусающимися", а машины не радовали глаз.
После долгих поисков в интернете случайно наткнулся на ваш сайт.

На вашем сайте я увидел то, что я могу вести торг в реальном времени. Выбирать любую машину, а что самое главное- могу узнать её точную историю. У нас на авто-рынке, как и на всех принято говорить, что машина "чистая" без царапин и каких-либо повреждений, но со временем обнаруживалось, что это далеко не так.
Связавшись с Александром, т.е с вами, я узнал правила ведения торгов, взвесил все "за" и "против" и начал делать ставки. Подбирал автомобиль очень долго, поскольку я очень капризный клиент. Огромное спасибо всему коллективу, что меня вытерпели и помогли, посодействовали советом.
После того, как я сделал выбор и остановился на определённом автомобиле, через два дня мне позвонил Александр и поздравил меня с покупкой, оставалось лишь доставить автомобиль в Грузию.
Остался очень доволен сервисом, меня встретили на железнодорожном вокзале в Тбилиси на моём же маленьком джипе, уже с перекинутым рулём и до блеска чистой машиной. После этого гостеприимные грузинские уже друзья показали мне местные красоты, накормили, напоили и отвезли в отель, за что им огромное спасибо. На утро , через час я уже был в Азербайджане.
Ещё раз хотелось бы выразить благодарность всему вашему коллективу, в особенности Александру за оперативность, чёткое знание своего дела и дружеский приём. И несомненно, если мне понадобится вновь приобрести автомобиль, я воспользуюсь только услугами вашей фирмы, т.к это выгодно, надёжно и очень приятно.
С уважением довольный клиент - друг - Г. Мамедов.

გამარჯვება, გამარჯვება

2010-03-20T19:05:00.001+04:00

ყველა ქართველ პატრიოტს და რაგბის გულშემატკივარს ვულოცავ დღევანდელ ბრწყინვალე გამარჯვებას. ჩვენმა ბორჯღალოსნებმა კიდევ ერთხელ გაგვახარეს და ბეჭებზე დასცეს რუსეთის ნაკრები. ღმერთმა გვიმრავლოს ასეთი გამარჯვებები.

HONDA HR-V

2010-03-10T17:37:00.003+04:00

სპეც შეთავაზებებში გამოჩნდა HR-V-ს ძალიან სიმპატიური ეგზემპლარი. მანქანა უკვე გზაშია. საქართველოში ჩამოდის 20 აპრილს.

გამოშვების წელი 2001
ძრავის მოცულობა 1600 სმ3
გარბენი 91 000
წამყვანი თვლები 2WD
ფასი 3700 $ (ფასში შედის ფოთამდე ტრანსპორტირების საფასური)

უფრო ვრცლად .....

სიუჟეტი ”ბიზნეს კურიერში”

2010-03-10T01:05:00.003+04:00

ჩვენს შესახებ რუსთავი 2 ზე, გადაცემაში ”ბიზნეს კურიერი” გავიდა სიუჟეტი, ვისაც არ უნახავს შეუძლია იხილოს აქ.

Yamaha Virago

2010-03-10T00:39:00.001+04:00

ჩვენს საიტზე პირველი მოტოციკლიც გამოჩნდა, ეს არის ლეგენდარული იაპონური ჩოპერი Yamaha Virago, საკმაოდ სერიოზული აგრეგატია. სულ ახლახანს ჩამოვიდა იაპონიიდან.

პირველი პოსტი

2010-03-08T16:09:00.005+04:00

მოგესალმებით ძვირფასო მეგობრებო!
ხშირად პირველი ნაბიჯის გადადგმა არის ყველაზე რთული და მტკივნეული. საკუთარ მაგალითზე ვიტყვი რომ სწორედ პირველი ნაბიჯის გადადგმა ძალიან მიჭირს, დიდხანს ვზომავ და ვწონი რომ სწორი მიმართულება ავირჩიო ამა თუ იმ პრობლემის გადაჭრისას და ხშირ შემთხვევაში ეს ყველაფერი იმით მთავრდება რომ ნაბიჯს საერთოდ არ ვდგამ ანუ პრობლემის გადაწყვეტას აღარ ვცდილობ ან არ ვეჭიდები იმ საქმეს რომელის წამოწყებასაც ვფიქრობდი. ალბათ ბევრი თქვენთაგანი დამეთანხმება რომ ზედმეტი წინდახედულობა ხანდახან მავნეა კიდეც და აფერხებს პროგრესს. გარკვეული დოზით ავანტიურიზმი ხშირად საქმეს რგებს.

სწორედ ავანტიურისტული წამოწყებაა ჩემი მხრიდან ამ ბლოგის წარმოება, რადგან მის შესაქმნელად ბევრი არ მიფიქრია, უბრალოდ ვხელმძღვანელობდი პრინციპით ”ჯერ გააკეთე და მერე დახვეწე”. საქმისადმი ასეთი მიდგომა არ მჩვევია, მაგრამ ბოლოსდაბოლოს როდესმე ხომ უნდა ვსინჯო?
მოკლედ აქ ჩვენი კლიენტები შეძლებენ თვალი ადევნონ კომპანიის სიახლეებს, მონაწილეობა მიიღონ სიტემის დახვეწაში, სხვადასხვა საავტომობილო თემის ირგვლივ გამართულ დისკუსიაში. იმედი მაქვს რომ მოცემული მასალა საინტერესო იქნება და დაიმსახურებს თქვენს კომენტარებს. ვიკამათოთ და ხელი შევუწყოთ ჭეშმარიტების დაბადებას.